Plantun de Prouvènço

Pèr coumpara dos planto d'encò nostre

Lythrum salicaria & Bartsia alpina

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Bartsìo(-dis-Aup)

Bartsia alpina

Orobanchaceae Scrophulariaceae

Nom en français : Bartsie des Alpes.

Descripcioun :
Planto poulideto emé si flour vióuleto que s'atrovo dins li relarg umido de mountagno. A uno cambo carado e peludo. I'a pas de proublèmo pèr la determinacioun, sufis pamens de pensa à la bono famiho (Orobanchaceae) que la flour ramento bèn. Es uno planto à mita parasito.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 25 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Bartsia
Famiho : Orobanchaceae
Famiho classico : Scrophulariaceae

Coulour de la flour : Vióuleto
Petalo : irreguliero
Ø (o loungour) flour : 2 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Pelouso umido - Prado umido
Estànci : Mountagnard à Aupen
Couroulougi : Bourealo
Ref. sc. : Bartsia alpina L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lythrum salicaria & Bartsia alpina

CCC

Coumpara Tè-di-paure emé uno autro planto

Coumpara Bartsìo(-dis-Aup) emé uno autro planto